पिंपळवंडी (पुणे) : तुम्हाला वाचून आश्चर्य वाटेल की, जुन्नर तालुक्यात विशिष्ठ प्रकारचे दगड आढळतात. या दगडांचे वैशिष्ठ्य म्हणजे, या दगडांवर दुसऱ्या दगडाने किंवा लोखंडाने मारले तर टन टन असा घंटेसारखा आवाज येतो. निसर्गाचा हा चमत्कारच समजला जात आहे. 

भाजयुमो आक्रमक, जय श्रीराम असलेली दहा लाख पत्रे शरद पवारांना पाठवणार

जुन्नर तालुक्याला महाराष्ट्रातील पहिला पर्यटन तालुक्याचा दर्जा मिळाला असून, जुन्नर तालुका हा सह्याद्रीच्या डोंगर रांगानी वेढलेला आहे. अनेक गड किल्ले, लेणी, घाटवाटा, नैसर्गिक पूल, नयनरम्य ठिकाणे या ठिकाणी आहेत. सह्याद्रीचा खडक हा अग्निजन्य असून, तो मजबूत व टणक आहे. परंतु, हाच खडक जर घंटेसारखा वाजत असेल, तर ते एक आश्चर्यच समजले जाईल. असे घंटेसारखे वाजणारे दगड जुन्नर तालुक्यातील आंबे हातवीज या गावाजवळील पठार, दुर्गादेवी टेकडी व हरिशचंद्र गडावर आपल्याला पाहायला मिळतात. जुन्नर तालुक्यातील हा निसर्गाचा चमत्कार पाहण्यासाठी अनेक पर्यटक या ठिकाणाला भेट देत असतात. 

 नापास विद्यार्थ्यांसाठी खूशखबर, पास होण्याची संधी आलीये चालून...

या दगडांचे वैशिष्टय म्हणजे हे दगड दिसायला सामान्य दगडासारखेच असतात, परंतु या दगडावर आपण दुसऱ्या दगडाने किंवा लोखंडाने मारले असता प्रत्यक्षात त्यातून टन टन असा घंटेसारखा आवाज येतो. महाराष्ट्रात अनेक ठिकाणी असे घंटेसारखे वाजणारे दगड आढळून येतात. पूर्वी अज्ञानापायी काही लोक या दगडात दैवी चमत्कार असल्याचे सांगत, परंतु या दगडांत लोह व इतर खनिजाचे प्रमाण जास्त असल्याने त्यातून घंटेसारखा आवाज येत असतो, असे तज्ञांचे मत आहे. 

पुण्याच्या इतर बातम्या वाचण्यासाठी येथे क्लिक करा

आंबे गावाजवळ २०० मीटर अंतरावर दोन दगड हे पठारावर असल्याने तेथे जाणे सहज शक्य होते. त्यामुळे पर्यटक या अपरिचित ठिकाणाला भेट देऊ लागले आहेत. त्याचप्रमाणे हरिशचंद्र गडावरील कोकणकड्याजवळ व दुर्गवाडी येथील दुर्गादेवी टेकडीवर असे वाजणारे ७ दगड आपल्याला पाहायला मिळतात. जुन्नर तालुक्यात पर्यटनासाठी कधी आपण आलात, तर या ठिकाणी नक्की भेट द्या.