पुणे : कोथरूड येथील कमिन्स इंडिया कंपनीतील सुमारे 43 लाख रुपयांच्या स्पेअर पार्ट्सचा अपहार झाल्याचा प्रकार उघडकीस आला आहे. या प्रकरणी कोथरूड पोलिस ठाण्यात गुन्हा दाखल करण्यात आला आहे.

ताज्या बातम्यांसाठी डाऊनलोड करा ई-सकाळचे ऍप

याप्रकरणी कंपनीतील अधिकारी धीरज कोल्हे (रा. सनसिटी, सिंहगड रस्ता) यांनी फिर्याद दिली आहे. वरिष्ठ पोलिस निरीक्षक प्रतिभा जोशी यांनी दिलेल्या माहितीनुसार, कोथरूड येथील डहाणूकर कॉलनीतील कमिन्स इंडिया कंपनीत एप्रिल ते 14 नोव्हेंबर 2019 या कालावधीत हा प्रकार घडला आहे.

कंपनीत वाल्वसीट इन्सर्ट नावो हे स्पेअर पार्टस होते. कंपनीच्या प्रवेशद्वारावर दररोज तपासणी होत नाही. त्यामुळे कोणीतरी या स्पेअर पार्टची चोरी केली असावी, याबाबत तपास करण्यात येत आहे. याप्रकरणी अद्याप कोणालाही ताब्यात घेतलेले नाही.