Maharashtra Board 10th Result 2024 : महाराष्ट्र राज्य माध्यमिक व उच्च माध्यमिक शिक्षण मंडळाने सोमवारी दहावीचा निकाल जाहीर केला. यंदा दहावीचा एकूण निकाल ९५.८१ टक्के लागला आहे. पुण्यातल्या एका विद्यार्थ्याने सर्वच्या सर्व विषयात ३५ मार्क घेऊन कमाल केली आहे.
सगळ्यात विषयांमध्ये ३५ मार्क घेणाऱ्या विद्यार्थ्याचं नाव प्रथमेश तुपसौंदर असं आहे. तो पुण्यातल्या न्यू इंग्लिश स्कूलचा विद्यार्थी आहे. त्याला ५०० गुणांपैकी १७५ गुण मिळालेले आहेत. मराठी, हिंदी, इंग्रजी, गणित, विज्ञान, समाजशास्त्र या सगळ्या विषयात त्याने काठावरचे ३५ मार्क मिळवले आहेत. सर्व विषयात सारखेच गुण मिळाल्याने आश्चर्य व्यक्त होत आहते.
राज्यात कोकण विभागातील ९९.०१ टक्के असे सर्वाधिक विद्यार्थी उत्तीर्ण झाले आहेत. तर यंदा नागपूर विभागाचा ९४.७३.टक्के असा सर्वात कमी निकाल लागला आहे. राज्य मंडळाच्या नऊ विभागीय मंडळामार्फत १ ते २६ मार्च दरम्यान दहावीची लेखी परीक्षा घेण्यात आली. या परीक्षेसाठी राज्यातील २३ हजार २७२ माध्यमिक शाळांमधून एकूण १५ लाख ६० हजार १६४ विद्यार्थ्यांनी नोंदणी केली होती.
त्यातील १५ लाख ४९ हजार ३२६ विद्यार्थ्यांनी परीक्षा दिली. सर्व विभागीय मंडळातून ९७.२१ टक्के (नियमित) विद्यार्थिंनी उत्तीर्ण झाल्या असून ९४.५६टक्के विद्यार्थी उत्तीर्ण आहेत. मुलांच्या तुलनेत उत्तीर्ण विद्यार्थिनींच्या निकालाची टक्केवारी २.६५ ने अधिक आहे, अशी माहिती राज्य मंडळाचे अध्यक्ष शरद गोसावी यांनी पत्रकार परिषदेत दिली. यावेळी राज्य मंडळाच्या सचिव अनुराधा ओक यांच्यासह अन्य पदाधिकारी उपस्थित होते.
पुणे : २,६२,९४९ : २,५३,६०० : ९६.४४ टक्के
नागपूर : १,४९,८९७ : १,४२,००५ : ९४.७३ टक्के
औरंगाबाद : १,८२,८४४ : १,७४,०५६ : ९५.१९ टक्के
मुंबई : ३,३९,२६९ : ३,२५,१४२: ९५.१९ टक्के
कोल्हापूर : १,२७,८१८ : १,२४,५६७ : ९७.४५ टक्के
अमरावती : १,५९,६८४: १,५२,६३१: ९५.५८ टक्के
नाशिक : १,९५,५८२ : १,८६,३५२ : ९५.२८टक्के
लातूर : १,०४,५०३ : ९९,५१७ : ९५.२७ टक्के
कोकण : २६,७८०: २६,५१७ : ९९.०१टक्के
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.