पुणे - किराणा संपल्याने पोरांना काय खायला घालायचं? रोजगार नसल्याने गॅसची टाकी भरून आणायला पैसे नाही, प्यायला पाणी नाही अशा एक ना अनेक व्यथा आहेत. त्यामुळे आम्ही जगायचं तरी कसं? असा प्रश्न दगडखाण कामगारांनी उपस्थित केला आहे. सरकारने आता तरी आमच्याकडे लक्ष द्यावं, अशी आर्त हाक त्यांनी दिली आहे.
पुणे जिल्ह्यात ४२ हजार ५४५ दगडखाण कामगार असून लॉकडाऊननंतर त्यांच्या रोजी-रोटीचा प्रश्न निर्माण झाला आहे. ज्यांना घरदार आहे ते गावी निघून गेले. मात्र निवारा नसल्याने आम्ही वाघोलीत अडकून पडलो आहोत. बाहेर पडलं तर पोलिस मारतात. त्यामुळे सरकारने आम्हाला गॅस, किराणा आणि पाणी पुरवावे, अशी मागणी कांताबाई पवार यांनी केली.
पुण्याच्या आणखी बातम्या वाचण्यासाठी येथे क्लिक करा
दगडफोडीची कामे करणारे मजूर हे १०० टक्के स्थलांतरित आहेत. त्यामुळे त्यांच्याकडे रेशनकार्ड किंवा इतर कोणतेही ओळखपत्र नाही. ओळखपत्र नसल्याने त्यांना स्थानिक यंत्रणेकडून कोणतीही मदत मिळालेली नाही. संतुलनच्या माध्यमातून त्यांना मदत करण्यात येत आहे, अशी माहिती दगडखाण कामगार संघटनेचे अध्यक्ष बस्तू रेगे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.