ढगांचा गडगडाट.... विजांचा लखलखाट.... व सोसाट्याच्या वाऱ्यासह मुसळधार पावसाने आज संध्याकाळी बारामती शहराला अक्षरशः झोडपून काढले.
बारामती - ढगांचा गडगडाट.... विजांचा लखलखाट.... व सोसाट्याच्या वाऱ्यासह मुसळधार पावसाने आज संध्याकाळी बारामती शहराला अक्षरशः झोडपून काढले.
गेल्या दोन ते तीन दिवसांपासून बारामती शहरात आभाळ भरून येत होते, मात्र पावसाने हुलकावणी दिली. आज संध्याकाळी सव्वा सहाच्या सुमारास मुसळधार पावसाने बारामतीत हजेरी लावली.
पावसापेक्षाही वाऱ्याचा वेग प्रचंड असल्याने अनेक ठिकाणी झाडांच्या फांद्या पडल्या. अनेक ठिकाणी वाऱ्याचा वेग एवढा प्रचंड होता की काचा हलत होत्या. या वाऱ्याच्या प्रचंड वेगामुळे सगळीकडे धुळीचे साम्राज्य पसरले होते, त्यामुळे समोरचे काही दिसत नव्हते.
विजांचा लखलखाट सुरू होताच काही क्षणातच शहरातील वीज पुरवठा खंडित झाला. पावसापेक्षाही वाऱ्याचा वेग प्रचंड होता. वादळाने बारामती शहराला झोडपून काढले अशीच परिस्थिती होती. या वादळाच्या तडाख्या मध्ये लोक स्थिर उभे राहू शकत नव्हते. पावसाची तीव्रता अधिक होती. काही क्षणातच बारामती शहरातील रस्त्यांना या पावसाच्या पाण्याने नदीचे स्वरूप प्राप्त झाले. सखल भागात पाणी साचले होते.
वाऱ्याच्या प्रचंड वेगाने भीतीमुळे अनेकांनी आपल्या दुकानांची शटर्स लावून घेतली. वादळाचा वेग एवढा प्रचंड होता की काही कळे पर्यंतच अनेकांच्या दुकानांमध्ये धूळ व बाहेरील कचरा दुकानात शिरला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.