पुणे : अडीच महिन्यांची प्रतीक्षा संपली आहे. आता घर आणि नातेवाइकांच्या मायेची उब मिळेल. मनात आनंद दाटून राहिलाय. आम्हाला गावी नेण्याचा निर्णय उशिरा झाला. पण आता झाला आहे, याचे समाधान आहे...पुण्यात स्पर्धा परीक्षांची तयारी करणाऱ्या तरुणांची ही भावना आहे. शहरात कोरोनाचा फैलाव सुरू झाल्यानंतर या तरुण तरुणींना घरची ओढ लागली होती. पण लॉकडाऊनमुळे ते  अडकून पडलेले होते. प्रशासनाकडे ते वारंवार मागणी करीत होते. अखेर त्यांना खासगी बसने परतण्याची परवानगी त्यांना मिळाली.
ताज्या बातम्यांसाठी डाऊनलोड करा ई-सकाळचे ऍप

स्वारगेट बस स्थानकातून हे तरुण-तरुण आणि काही कामगार त्यांच्या गावी परतणार आहेत. सकाळी साडेअकराच्या सुमारास पाच बसमधून काही जण बीड, उस्मानाबादच्या दिशेने रवाना झाले, तर रात्री आठच्या सुमारात विदर्भातील काही जिल्ह्यांच्या दिशेने अकरा बस निघतील. या बसमधून साडे तीनशे लोक त्यांच्या गावाकडे रवाना होतील. घरी जायला मिळत असल्याने हे सर्वजण आनंदात आहे.

पुण्याच्या बातम्या वाचण्यासाठी येथे ► क्लिक करा

मूळचा उस्मानाबाद जिल्ह्यातील असलेला बालाजी माळी म्हणाला, "आम्ही घरी परततोय याचा जास्त आनंद आमच्या कुटुंबीयांना आहे. बऱ्याच दिवसानंतर आम्ही गावाकडे जात आहेत. तेथे आमचे विलगीकरण होईल. नंतरच आम्हाला कुटुंबात जाता येईल. पण किमान गावाकडे असल्याचे समाधान असेल." बार्शी तालुक्यातील संजीवनी पोटघरे म्हणते, "गेली अडीच महिने आम्ही घरी परतण्यासाठी प्रयत्न करत होतो. पण आता परवानगी मिळाली. त्रास सहन केल्यानंतरच चांगल्या गोष्टी घडतात, तसेच झाले आहे. आम्ही परतणार असल्याने घरचे लोक खूप खूष आहेत."

कोरोनाच्या लढाईत घटले आयुक्त शेखर गायकवाड यांचे वजन

स्पर्धा परीक्षेची तयारी करणाऱ्या विद्यार्थ्यांना गावी परतता यावे म्हणून प्रयत्न करणारा महेश बडे म्हणाला, "सरकाराने योग्य निर्णय घेतला आहे. वैद्यकीय चाचण्या करून तीनेशहून अधिक लोक गावी परतत आहेत. प्रवासादरम्यान जेवण पाण्याची व्यवस्था करण्यात आली आहे. प्रतीक्षा संपून प्रत्येकजण आनंदाने घरी परतत आहे."

विद्यार्थ्यांनो, परीक्षा रद्द केल्यास 'कोरोना बॅच'चा शिक्का मारला जाणार