लोणी काळभोर : 11 वर्षांच्या अल्पवयीन मुलीने गळफास घेऊन आत्महत्या केल्याचा धक्कादायक प्रकार कदमवाकवस्ती (ता. हवेली) ग्रामपंचायत हद्दीतील पठारेवस्ती येथे बुधवारी (ता. 9) दुपारी एकच्या सुमारास घडला. निकिता लोकेश राठोड (रा. पठारे वस्ती, कदमवाकवस्ती, ता. हवेली) असे आत्महत्या केलेल्या अल्पवयीन मुलीचे नाव आहे.

पोलिसांनी दिलेल्या माहितीनुसार, लोकेश राठोड हे गवंडी म्हणून काम करतात. ते नेहमीप्रमाणे बुधवारी (ता. 9) दुपारी एकच्या सुमारास जेवायला घरी असता त्यांना निकिता आढळून आली नाही. त्यांनी शेजारील खोलीत जाऊन पहिले तेव्हा ओढणीच्या साहय्याने कपडे अडकविण्याच्या आकडीला अंकिता लटकलेल्या अवस्थेत आढळून आली. त्यानंतर तिला नागरिकांच्या मदतीने खाली घेण्यात आले. तीने कोणत्याही प्रकारचा प्रतिसाद दिला नाही. त्यामुळे तिला उपचारासाठी लोणी काळभोर येथील एका खाजगी दवाखान्यात नेले असता. तिचा उपचारपूर्वीच मृत्यू झाला असल्याचे डॉक्टरांनी घोषित केले. निकिताने का आत्महत्या केली याचे कारण अद्यापही स्पष्ट झालेले नाही. तरी पुढील तपास लोणी काळभोर पोलिस करीत आहेत.