सुपे, ता. ३० : सुपे (ता. बारामती) पोलिस ठाण्याच्या हद्दीत बिअरबार मालकांना नियम पाळण्याविषयी सूचना करण्यात आल्या आहेत. अपघात अथवा अनुचित प्रकार घडू नये म्हणून मुख्य चौकात नाकाबंदी करण्यात येणार आहे. या गावांच्या परिसरात सशस्त्र पोलिसांची गस्तीचे नियोजन केल्याची माहिती पोलिस उपनिरीक्षक जिनेश कोळी यांनी दिली.
येथील मयूरेश्वर अभयारण्यात पर्यटकांना खासगी वाहन नेण्यास बंदी घालण्यात आली आहे. पर्यटकांनी या परिक्षेत्रात धूम्रपान वा व्यसन करू नये. अभयारण्याला गेल्या वर्षभरात पर्यटक, शाळा-महाविद्यालयांचे विद्यार्थी, प्रशिक्षणार्थी मिळून सुमारे ४ हजार निसर्ग प्रेमींनी भेट दिल्याची माहिती वन परिक्षेत्र अधिकारी शीतल फुंदे यांनी दिली.
परिसरातील मासांहारी हॉटेल्स, ढाब्यांवर खवय्यांना आकर्षीत करण्यासाठी वीज रोषणाई करण्यात आली आहे. डीजेच्या व्यवस्थेसह लहान मुलांच्या करमणुकीसाठी बाहुल्यांच्या नृत्याचा कार्यक्रम काही हॉटेल चालकांनी ठेवला आहे.