वाघोली : वाघोली येथील बीजेएस क्वारंटाईन सेंटरमध्ये 35 दिवसांत 221 जणांचे स्वँब घेण्यात आले. त्यातील 22 जणांचे अहवाल पॉझिटिव्ह आले आहेत. म्हणजे सरासरी 10 टक्के पॉझिटिव्ह रुग्णांचे प्रमाण आहे.

मध्य पुण्यात राहणाऱ्या नागरिकांना मिळणार दिलासा? कॉंग्रेसने केली ही मागणी

26 मे रोजी येथे स्वँब घेण्याच्या प्रक्रियेला सुरुवात झाली. या सेंटर अंतर्गत हवेली व शिरूर तालुक्यातील प्राथमिक आरोग्य केंद्र जोडण्यात आले आहे.

वाघोली, वाडेबोलाई, पेरणे, कोरेगाव भीमा, शिक्रापूर व तळेगाव ढमढेरे प्राथमिक आरोग्य केंद्राचा समावेश आहे. पूर्वी या भागातील संशयीताना पुणे शहरात स्वँब तपासणीसाठी जावे लागत होते. मात्र वाघोलीत सोय झाल्याने या प्राथमिक आरोग्य केंद्राअंतर्गत येणाऱ्या नागरिकांची चांगली सोय झाली. बीजेएस क्वारंटाईचे सेंटर 1000 क्षमतेचे आहे. मात्र संशयित घरीच राहणे पसंत करीत आहेत. येथे घेतलेले स्वँब तपासणी साठी राष्ट्रीय विषाणू प्रयोगशाळेत पाठवले जातात. त्याचा अहवाल 24 ते 30 तासात प्राप्त होतो.

पुण्याच्या बातम्या वाचण्यासाठी येथे  क्लिक करा

दरम्यान, तपासणीसाठी दूरवर जाण्याची गरज पडत नसल्याने संशयित तपासणीसाठी लगेच पुढे येतात. पॉझिटिव्ह आलेले 22 रुग्ण हे सहा प्राथमिक केंद्र अंतर्गत आहेत. बुधवारी नऊ जणांचे स्वँब घेण्यात आले होते. त्यातील चार जणांचे अहवाल पॉझिटिव्ह आले. तर गुरुवारी 18 जणांचे स्वँब घेण्यात आले. त्याचा अहवाल उद्या प्राप्त होईल. मखरे हे या केंद्राचे नोडल ऑफिसर आहेत. 

पुढील सहा महिने घरूनच काम; पुण्यातील आयटी कंपन्यांचे धोरण