मार्केट यार्ड - राज्यात झालेल्या अतिवृष्टीमुळे मोसंबीच्या बागांचे प्रचंड नुकसान झाले. त्यामुळे बाजारात आंबेबहरातील मोसंबीची आवक अत्यल्प झाली आहे. रविवारी घाऊक बाजारात जुन्या मोसंबीच्या तीन डझनास ९५० रुपये भाव मिळाला. त्यानुसार एक मोसंबी २७ रुपयांना पडली. किरकोळ बाजारात एक किलो मोसंबीला १५० ते १६० रुपये भाव मिळत आहे.

ताज्या बातम्यांसाठी डाऊनलोड करा ई-सकाळचे ऍप

फळबाजारात संभाजीनगर परिसरातून आंबेबहर व मृगबहरातील मोसंबी आली आहे. घाऊक बाजारात आंबेबहरातील मोठ्या आकाराच्या तीन डझन मोसंबीला ३५० ते ९५० रुपये, तर लहान आकाराच्या चार डझनाच्या मोसंबीला १८० ते ३३० रुपये भाव मिळत आहे.

महापोर्टलद्वारे होणाऱ्या परीक्षांसंदर्भात मुख्यमंत्री उद्धव ठाकरे यांचा मोठा निर्णय

मृगबहरातील म्हणजेच नव्या मोसंबीला तीन डझनास १२० ते २८० रुपये, तर चार डझनाच्या मोसंबीला ६० ते १२० रुपये भाव मिळत आहे. रविवारी आंबेबहरातील आठ टन, तर मृगबहरातील मोसंबीची २५ टन आवक झाली.

वकिलांच्या निवडणुकीवर सकारात्मक परिणाम

सातारा, सांगली, कोल्हापूर, बारामती येथून मोसंबीला चांगली मागणी आहे. नुकसानीमुळे आंबेबहर मोसंबीचा हंगाम यंदा दोन महिने अगोदरच संपणार आहे. डिसेंबरअखेरपर्यंत कमी प्रमाणात आवक सुुरू राहील. एका पाटीस मिळालेला ९५० रुपये उच्चांकी भाव आहे. यापूर्वी दोन वर्षांपूर्वी ६५० रुपये उच्चांकी भाव मिळाला असल्याची माहिती दासराव पाटील यांनी दिली.

महाराष्ट्र-कर्नाटक सीमाप्रश्नी हे दोन मंत्री समन्वय ठेवणार

''माझ्याकडे एक हजार झाडांची बाग आहे. यंदा पावसामुळे मोठे नुकसान झाले. बाजारात मोसंबीला भाव चांगला आहे. मात्र, आंबेबहरातील मोसंबीचे उत्पादन अत्यल्प झाले आहे. मात्र, मृग बहरातील उत्पादन चांगले मिळेल.
- अस्लम शेख, शेतकरी, पैठण

पुण्यात ‘पॉक्‍सो’अंतर्गतची साठ प्रकरणे प्रलंबित