पुणे - सध्याचा उन्हाळा (Summer) अधिक कडक आहे. त्यामुळे चारचाकी वाहनांची काळजी (Vehicle Care) घेणे गरजेचे असून ते सुस्थितीत ठेवणे ही मोठी जबाबदारी आहे. मात्र, त्याकडे दुर्लक्ष केल्यास अपघाताच्या घटना घडतात. सध्या ई-बाइकला लागलेल्या आगींचे वृत्त अनेक ठिकाणी ऐकावयास मिळते आहे. यामध्ये जिवाला धोका निर्माण होण्यासह वाहनाचेही नुकसान होते. वाहनाची कशी काळजी घ्यावी हे पाहू या.

• टायर सुस्थितीत ठेवा, रस्त्यावरील उष्णता व वाहनाचा वेग यामुळे ते गरम होतात.

• कुलंटची काळजी घ्या. ते इंजिन थंड ठेवण्यास मदत करते.

• उन्हात वाहन उभे करताना काचा पूर्ण बंद करू नका. हवा खेळती राहिल्यास आत गरम होत नाही.

• ऑइलची पातळी वेळोवेळी तपासा

• उन्हाळ्यात पेट्रोल टाकी पूर्ण भरू नका

• वाळलेले गवत, पालापाचोळा आदी ठिकाणी वाहन उभे करू नका

• बॅटरीच्या वायरिंगवर वाढत्या तापमानाचा परिणाम होत असतो, त्यामुळे त्याची तपासणी करावी.

• चालत्या वाहनात सीएनजी, डिझेल अथवा पेट्रोलचा वास येत असल्यास वाहन बाजूला घेऊन तपासणी करा.

• उच्च दाबाच्या विजेच्या तारांखाली वाहन उभे करू नये.

• वाहनात बसण्यापूर्वी पाच ते दहा मिनीट दरवाजा उघडा ठेवावा.

• काचेचे वायपर वर करून ठेवा, जेणेकरून रबर खराब होणार नाहीत

• पेट्रोल टाकीचे झाकण काही वेळासाठी उघडून त्यामध्ये जमा झालेली हवा बाहेर जावू द्यावी

• वेग प्रमाणातच असावा.

• सावलीतच वाहन उभे करण्यास प्राधान्य द्यावे. अन्यथा रंग उडतो, काचा तडकतात.