पिंपरी : तळवडे आयटी पार्क चौक, तळवडे गावठाण चौक, त्रिवेणीनगर चौक या रस्त्यांवर दोन टनापेक्षा अधिक मालवाहतूक करणाऱ्या अवजड वाहनांना सकाळी आठ ते अकरा व सायंकाळी चार ते रात्री नऊ या वेळेत प्रवेश बंद करण्यात आला आहे. हा बदल 7 ते 21 जानेवारी या कालावधीसाठी असेल.

ताज्या बातम्यांसाठी डाऊनलोड करा ई-सकाळचे ऍप

तळवडे परिसरातील रस्त्यांवर सकाळी व सायंकाळी मोठ्याप्रमाणात रोज वाहतूककोंडी होत असते. यामुळे या मार्गाने ये-जा करणाऱ्या वाहनचालकांना गैरसोयीचा सामना करावा लागतो. यासाठी पिंपरी-चिंचवड पोलिस आयुक्तालयाच्या वाहतूक शाखेने तळवडे परिसरातील प्रमुख रस्त्यांवर अवजड वाहनांना प्रवेश बंदी केली आहे. हा बदल प्रायोगिक तत्वावर असून यासाठी या बदलाबाबत काही हरकती, सूचना असल्यास त्या वाहतूक शाखेत जमा करण्याचे आवाहन करण्यात आले आहे. या हरकती, सूचनांचा विचार करून पुढील निर्णय घेतला जाणार आहे.

पुण्याच्या बातम्या वाचण्यासाठी येथे ► क्लिक करा