पुणे

तेजस्विनी बसमध्ये पुरुषांची घुसखोरी

नीलम कराळे

पुणे - वेळ : दुपारी एक वाजता. स्थळ : लक्ष्मीनारायण थिएटर बस स्टॉप. कात्रज ते शिवाजीनगर या ‘तेजस्विनी’ महिला स्पेशल बस असताना, यातून पुरुषही प्रवास करत असल्याचे ‘सकाळ’च्या प्रतिनिधीने अनुभवले. याबाबत वाहकाकडे विचारणी केली असता उडवाउडवीची उत्तरे ऐकायला मिळाली. महिला प्रवाशांची मते जाणून घेतली असता, या बससुविधेमागील पीएमटीच्या हेतूलाच हरताळ फासला गेल्याचे त्यांनी सांगितले.

शहरी भागामध्ये नोकरी-व्यवसायासाठी प्रवास करणाऱ्या महिलांची संख्या वाढत आहे. अपुऱ्या बसफेऱ्यांमुळे होणाऱ्या त्रासापासून त्यांची सुटका करण्याच्या उद्देशाने पीएमपीएमएलने खास महिला प्रवाशांसाठी स्वतंत्र बससेवा सुरू केली होती. महिला दिनाचे औचित्य साधून ही सेवा सुरू करण्यात आली. महिला प्रवाशांना सुरक्षित प्रवास करता यावा हा उद्देश होता. या बसेससाठी खरेतर महिला वाहक असावेत असा नियम आहे. परंतु या सर्व बाबी कागदावरच राहिल्याचे प्रत्यक्ष अनुभवायला मिळाले.

या बसेससाठी महिला वाहक आहेत का, पुरुषांनाही या बसमधून प्रवास करू का दिले जाते, असे विविध प्रश्‍न उपस्थित होत 

आहेत. वृषाली मानकर म्हणाली, ‘‘महिलांसाठी खास बससुविधा असल्यामुळे या बसला आम्ही महाविद्यालयीन विद्यार्थिनी पसंती देत होतो. तसेच घरचेदेखील यामुळे निर्धास्त झाले होते. परंतु प्रशासनातीलच कर्मचाऱ्यांच्या हलगर्जीपणामुळे या सुविधेचा फज्जा उडाला आहे. जी सुरक्षितता आम्हाला मिळायला हवी होती ती मिळत नाही.’’ सुवर्णा देशमुख म्हणाली, ‘‘महिलांसाठी वेगळी बस ही संकल्पना चांगली होती. परंतु ती योग्य प्रकारे राबवली गेली नाही. प्रशासनाने चांगल्या उपक्रमात सातत्य ठेवावे अशी अपेक्षा असते.  महिलांची ही साधी मागणीदेखील पूर्ण करण्यास प्रशासन अपयशी ठरले आहे.’’

 तेजस्विनी ही बससुविधा फक्त महिलांसाठी असून, रविवारी महिला प्रवासी संख्या कमी असल्यामुळे फक्त या दिवशीच पुरुष या बसमधून प्रवास करू शकतात. इतर दिवशीही पुरुष या बसमधून प्रवास करत असतील तर त्या बसच्या वाहक आणि चालकाची आम्ही चौकशी करू.
- डी. जी. माने, ट्रॅफिक मॅनेजर, पीएमटी 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT