लोणी काळभोर (पुणे) : उरुळी कांचन, थेऊर, लोणी काळभोरसह पूर्व हवेलीत मंगळवारी (ता. २३) दिवसभरात नव्याने दहा कोरोनाबाधित रुग्ण आढळले आहे. यामुळे मागील तीन दिवसात आढळून आलेल्या कोरोनाबाधित रुग्णांची संख्या 22 वर पोचली आहे. 

ताज्या बातम्यांसाठी डाऊनलोड करा ई-सकाळचे ऍप 

मागील 72 तासात पूर्व हवेलीत तब्बल 22 रुग्ण आढळून आले असले तरी, उरुळी कांचन, थेऊर, लोणी काळभोर, कदमवाकवस्ती, उरुळी कांचन या प्रमुख मोठ्या गावातील नागरिक गर्दीच्या ठिकाणी सोशल डिस्टन्स पाळणे अथवा घऱाबाहेर पडताना मास्कचा वापर करणे या आरोग्य विभागाच्या सूचनांना वाटाण्याच्या अक्षदा लावत असल्याचे दिसून येत आहे. मागील तीन दिवसातील कोरोनाबाधितांची संख्या पाहता, हवेलीकरांना खडबडुन जागे होण्याची वेळ आली आहे. 

पुण्याच्या बातम्या वाचण्यासाठी येथे  क्लिक करा

थेऊर, उरुळी कांचन, लोणी काळभोर, कोरेगाव मुळ व कुंजीरवाडी या पाच गावात सोमवारी दिवसभरात तब्बल बारा कोरोना बाधीत रुग्न आढळुन आले होते. आरोग्य विभागाने वरील बारा रुग्णांच्या संपर्कात आलेल्या 27 जणांचे स्वॅब (घशातील द्रव) तपासणीसाठी पुण्यातील शासकीय प्रयोगशाळेत पाठवले होते. वरील 27 जणांच्या स्वॅब (घशातील द्रव) रिपोर्टमध्ये एका सहा वर्षीय मुलीसह आठ जण कोरोना पॉझिटीव्ह असल्याचे आढळुन आले. तर मंगळवारी दिवसभरात उरुळी कांचन व वळती ग्रामपंचायत हद्दीत प्रत्येकी एक असे दोन रुग्ण आढळुन आले. 

पुण्याच्या बातम्या वाचण्यासाठी येथे  क्लिक करा

याबाबत अधिक माहिती देतांना लोणी काळभोर येथील प्राथमिक आरोग्य केंद्राचे डॉ. डी. जे. जाधव म्हणाले, थेऊर, लोणी काळभोरसह पुर्व हवेलीत सोमवारी आढळुन आलेल्या बारा कोरोना बाधीत रुग्नांच्या संपर्कात आलेले आनखी आठ रुग्न मंगळवारी कोरोना बाधीत असल्याचे आढळुन आले आहे. यात कुंजीरवाडी हद्दीतील रुग्नांच्या घरातील तीन जण आहेत. तर लोणी काळभोर हद्दीतील रुग्नाच्या संपर्कात आलेले नातेवाईक व मित्राचाही समावेश आहे. तर दुसरीकडे मंगळवारी दिवसभरात वळती व उरुळी कांचन हद्दीत मिळुन दोन नव्याने कोरोनाचे रुग्न आढळुन आल्याची माहिती उरुळी कांचनच्या आरोग्य अधिकारी डॉ. सुचिता कदम यांनी दिली. 

पुण्याच्या बातम्या वाचण्यासाठी येथे  क्लिक करा

नागरिक अद्यापही कोरोनाच्या भीतीपासून दुरच

दरम्यान, पूर्व हवेलीत मागील 72 तासात 22 कोरोनाबाधित रुग्ण आढळुन आले तरी, उरुळी कांचन, लोणी काळभोर, कदमवाकवस्ती सारख्या मोठ्या ग्रामपंचायत हद्दीतील 70 टक्क्यांहून अधिक नागरिक मास्कचा वापर न करताच घराबाहेर पडत असल्याचे दिसुन येत आहेत. तर दुसरीकडे वरील गावातील रस्ते सकाळ व संध्याकाळी ओसडुंन वाहत आहेत.

पुण्याच्या बातम्या वाचण्यासाठी येथे  क्लिक करा

चेहऱ्यावर मास्क व सोशल डिस्टन्स पाळत नसल्याने यापुढील काळात कोरोना आनखी वाढण्याची भिती निर्माण झाली आहे. कदमवाकवस्ती हद्दीत तर भाजीपाला विक्री करणारे व खरेदी करणारे दोन्ही मास्कविना वावरत असल्याने, पुढील एक दोन दिवसात याही ठिकाणी कोरोनाचा रुग्न आढळुन आला तर आर्श्चय वाटायला नको अशी स्थिती आहे.