पुण्यात पोलिसांकडून योग्य ती कारवाई केल्यानंतरही पुन्हा एकदा कोयता गँगची दहशत समोर आली आहे. हडपसर भागामध्ये दोन टोळ्यांमधील गुन्हेगारांनी एकमेकांवर कोयत्याने केलेल्या हल्ल्यामध्ये तीन जण जखमी झाल्याची घटना समोर आली आहे.
ससून रुग्णालयाच्या आवारात घडलेल्या प्रकारानंतर काल (शुक्रवारी) हडपसर भागातील रामटेकडी परिसरातील दोन गुन्हेगारी टोळ्यांमध्ये वाद झाला होता. या वादानंतर दोन्ही टोळ्यांतील आरोपींनी एकमेकांवर कोयत्याने वार करायला सुरवात केली. घटनेची माहिती मिळताच पोलीस घटनास्थळी दाखल झाले, त्यांनी या प्रकरणातील आरोपींना ताब्यात घेतलं. घडलेला सर्व प्रकार सीसीटीव्हीमध्ये कैद झाला आहे.
दरम्यान यापूर्वीही पुण्यात काही गुन्हेगारांच्या टोळ्यांनी हातात कोयता घेऊन दहशत निर्माण केल्याच्या घटना समोर आल्या आहेत. या प्रकरणातील काही आरोपींनाही पोलिसांनी अटक केलं आहे. कोयता गँगचा नायनाट करण्यासाठी पोलिसांनी पुण्यात कोयता खरेदी करण्यासाठी आधार कार्ड सक्तीचं केलं होतं.
पोलिसांनी याआधी बऱ्याचदा कारवाई करूनही या घटना थांबताना दिसत नाहीत. या घटनांमुळे परिसरात खळबळ निर्माण झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.