पुणे - रॉयल थाई कॉन्सुलेट जनरल आणि राष्ट्रीय चित्रपट संग्रहालय यांच्या संयुक्त विद्यमाने थायलंड चित्रपट महोत्सवाचे आयोजन करण्यात आले आहे. यानिमित्ताने थाई संस्कृतीचा अनुभव प्रेक्षकांना घेता येणार आहे.

तीन दिवसांच्या महोत्सवाचे राष्ट्रीय चित्रपट संग्रहालयात २९ मार्चला दुपारी ३ वाजता उद्‌घाटन होणार आहे. उद्‌घाटनानंतर ‘मालिला : फेरेवेल फ्लॉवर’ हा चित्रपट दाखवण्यात येणार आहे. 

कान चित्रपट महोत्सवात दाखवला गेलेला ‘सॅंटी विना’ हा चित्रपट शनिवारी सकाळी दहा वाजता पाहता येईल. तसेच टीअर्स ऑफ ब्लॅंक टायगर, द पूल, गरुडा, संबून, पॉप आए, समुई साँग, शटर असे थाई चित्रपटही पाहता येतील.

मी पाहिलेला ‘हाथी मेरे साथी’ चित्रपट स्मरणात आहे. महोत्सवामुळे दोन्ही देशांच्या संस्कृतीचे आदानप्रदान होऊ शकते.
 - इकापोल पूलपाइपट, थायलंडचे कॉन्सुलेट जनरल