पुणे : पुणे शहरातील एकूण सक्रिय कोरोना रुग्णांची संख्या सोमवारी (ता.२७) दीड हजाराच्या आत आली आहे. आज अखेर शहरात १ हजार ४१३ सक्रिय कोरोना रुग्ण उरले आहेत. एकूण सक्रिय कोरोना रुग्णांपैकी ६९१ रुग्ण शहरातील विविध रुग्णालयात उपचार घेत आहेत. उपचार घेत असलेल्यांपैकी १८२ रुग्ण गंभीर असून, त्यांच्यावर अतिदक्षता विभागात उपचार केले जात आहेत.

याशिवाय ७२२ रुग्ण गृहविलगीकरणात आहेत. पुण्यात दिवसभरात १०९ नवे कोरोना रुग्ण आढळून आले आहेत. याउलट १६७ जण कोरोनामुक्त झाले आहेत. अन्य दोन रुग्णांचा मृत्यू झाला आहे. दरम्यान, पुणे जिल्ह्यात दिवसभरात ४१० नवे रुग्ण आढळून आले असून, ८१५ जण कोरोनामुक्त झाले आहेत. जिल्ह्यात आज सात जणांचा मृत्यू झाला आहे.

एकूण मृत्युमध्ये पुणे व पिंपरी चिंचवडमधील प्रत्येकी दोन आणि जिल्हा परिषद कार्यक्षेत्रातील तीन रुग्णांचा मृत्यू झाला आहे. दिवसभरातील नवीन रुग्णांमध्ये पुणे शहरातील १०९ रुग्णांपाठोपाठ पिंपरी चिंचवडमधील ७३, जिल्हा परिषद कार्यक्षेत्रातील १८८, नगरपालिका हद्दीतील ३६ आणि कॅंटोन्मेंट बोर्ड क्षेत्रातील ४ रुग्णांचा समावेश आहे.

पुणे जिल्ह्यातील कोरोना स्थिती दृष्टीक्षेपात

• - आतापर्यंतच्या कोरोनाबाधितांची एकूण संख्या --- ११ लाख ३६ हजार ७७५

• - कोरोनामुक्त झालेल्यांची संख्या --- ११ लाख ११ हजार ८८८

• - कोरोनाने झालेले एकूण मृत्यू --- १८ हजार ९११

• - सध्याचे एकूण सक्रिय कोरोना रुग्ण --- ६ हजार ११३

• - यापैकी उपचार घेत असलेले रुग्ण --- २ हजार ६३२

• - गृह विलगीकरणात असलेले --- ३ हजार ४८१

• - दिवसभरात घेतलेल्या कोरोना चाचण्या --- १९ हजार १५७

• - आतापर्यंत झालेल्या कोरोना चाचण्या --- ७६ लाख ४९ हजार ९४२

• - आतापर्यंत झालेले एकूण कोरोना लसीकरण (दोन्ही डोस मिळून) --- सुमारे १ कोटी पाच लाख