कात्रज - सातारा रस्त्यावरील मोबाईलच्या दुकानात शटर उचकटून तीस लाख रुपयांच्या मोबाईलची चोरी झाल्याची घटना मंगळवारी (ता. २३) रात्री घडली. याबाबत सहकारनगर पोलिस ठाण्यात मनोज झंवर (रा. भारती विद्यापीठ, कात्रज) यांनी फिर्याद यांनी फिर्याद दिली आहे.

पोलिसांनी दिलेल्या माहितीनुसार, २३ आणि २४ जुलैच्या रात्री दहा ते सकाळी सहा वाजण्याच्या काळात सातारा रस्त्यावरील चव्हाणनगर कमानीशेजारी असलेले श्रीराम कम्युनिकेशन नावाच्या मोबाईल शॉपी दुकानाचे शटर कोणीतरी अज्ञात इसमाने उचकटुन आतमध्ये प्रवेश करुन सुमारे २९ लाख ६४ हजार ५९६ रुपये किंमतीचे एकूण ९५ मोबाईल चोरी केले आहेत.

आरोपी मोबाईल घेऊन फरार झाला असून त्याचा तपास सहकारनगर पोलिसांकडून सुरु आहे. पोलिस उपनिरिक्षक युवराज पोतरे पुढील तपास करत आहेत.