पुणे - नगरमधून सुजय विखे हे "राष्ट्रवादी'चे लोकसभेचे उमेदवार असतील, या चर्चेला "राष्ट्रवादी'चे अध्यक्ष शरद पवार यांनी मंगळवारी पूर्णविराम देण्याचा प्रयत्न केला. ""अशी कुठलीच चर्चा नसून, उमेदवार निश्‍चितीसंदर्भात येत्या सात मार्चला पक्षाची बैठक होणार आहे,'' असे त्यांनी पत्रकारांशी बोलताना सांगितले. 

याबाबत सुजय विखे यांच्याशी कुठलीच चर्चा झाली नसल्याचे त्यांनी सांगितले. हवाई दलाने केलेल्या एअर स्ट्राइकचं राजकारण सत्ताधारी करत असल्याचा आरोपही पवार यांनी केला. ""आमचा सैन्यदलावर विश्वास आहे. मी संरक्षणमंत्री राहिलो आहे. अशा कारवाईनंतर सरकारबाहेरच्या व्यक्तीनं आकड्यांविषयी बोलणं योग्य नाही,'' असे सांगत त्यांनी भाजपचे अध्यक्ष अमित शाह यांच्यावर टीका केली. त्याचप्रमाणे घरात घुसून मारू, असं मोदीच म्हणत आहेत. तेव्हा राजकारण आम्ही नाही, तर तेच करत आहेत, असेही पवार म्हणाले. हल्ल्यात मारले गेलेल्यांची आकडेवारी आणि त्याबाबत जे भाष्य पंतप्रधान करताहेत ते पंतप्रधानपदाला शोभत नाही, अशी टीकाही पवार यांनी मोदींवर केली. 

#WeCareForPune आम्ही आहोत पुण्याचे सजग नागरिक
तुम्ही सजग नागरिक आहात का? तुमच्या आजुबाजूला घडणार्‍या गोष्टी, तुम्हाला जाणवणार्‍या समस्या, त्यावरचे उपाय हे सगळे मांडण्यासाठी आता तुमच्यासाठी हक्काचे 'संवाद' हे माध्यम उपलब्ध करून देण्यात आले आहे. यासाठी 'सकाळ संवाद' मोबाईल अॅप्लिकेशन डाऊनलोड करा. त्याद्वारे तुम्ही आम्हाला फोटो, व्हिडिओ आणि बातम्या पाठवू शकता. हे करताना आपले संपूर्ण नाव आणि संपर्क क्रमांक आवर्जून द्या. #WeCareForPune या उपक्रममध्ये सहभाग घ्या. 

#SakalSamvad #WeCareForPune