पुणे - कोयना वीजनिर्मितीचा चौथा टप्पा बंद झाला, तरी विजेच्या उपलब्धतेवर कुठलाही परिणाम होणार नाही. पुरेशा प्रमाणात वीज उपलब्ध असल्यामुळे राज्यात कोठेही भारनियमन होणार नाही, असा दावा महावितरणने केला आहे. 

सद्यःस्थितीत उच्चतम विजेची मागणी 19,000 ते 19,500 मेगावॉट आहे. ती दीर्घकालीन करारांतर्गत औष्णिक वीज प्रकल्पातून व नवीकरणीय स्त्रोतांमधून पूर्ण करण्यात येत आहे. महावितरणकडे झीरो शेड्यूलमध्ये असलेले परळी औष्णिक प्रकल्पामधील संच क्र. 6, 7 व एनटीपीसी सोलापूर या औष्णिक प्रकल्पामध्ये असलेला वाटा मिळून एकूण 1,144 मेगावॉट इतकी अतिरिक्त वीज उपलब्ध आहे. तसेच पॉवर एक्‍सचेंजवर वीज उपलब्ध असल्यामुळे मागणी तेवढी उपलब्धता असल्याने कोयना वीजनिर्मिती केंद्रामधील टप्पा क्र. 4 मधून वीजनिर्मिती पूर्णपणे बंद झाली, तरीही राज्यात कोठेही भारनियमनासारखी परिस्थिती निर्माण झालेली नाही, असेही महावितरणने कळविले आहे. 

स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा