हडपसर : मौज-मजेकरीता दुचाकी चोरणाऱ्या चार आरोपींना हडपसर पोलिसांनी अटक केली असून त्यांच्याकडून 25 मोटारसायकल जप्त करण्यात आल्या आहेत. याप्रकरणी संजय हरिष भोसले उर्फ सोन्या  (वय 20, रा. शेवाळवाडी), ऋषीकेश बाबासाहेब डोंगरे उर्फ बिट्टु (वय 19, रा. शेवाळवाडी ), अभिषेक अनिल भंडगे उर्फ मोनु (वय 19, रा. शेवाळवाडी), अजित कैलास कांबळे उर्फ विठ्ठल (वय 21, रा. सर्व रा. शेवाळवाडी ) यांना पोलिसांनी अटक केली आहे. आरोपींकडून मोठया प्रमाणात वाहन चोरी केली असल्याची शक्यता पोलिसांनी व्यक्त केली आहे.

पुणे : पिरंगुटमध्ये दुकानांना भीषण आग; जीवितहानी नाही

मगरपट्टा चौक येथे संशयीतरित्या वाहने पार्कींगमध्ये चार जण पाहाणी करत आहेत, अशी गोपनीय माहिती सहाय्यक पोलिस निरिक्षक संजय चव्हाण प्रताप गायकवाड, नितीन मुंढे, विनोद शिवले, अकबर शेख, शाहीद शेख यांना मिळाली. त्यानंतर सहाय्यक पोलिस आयुक्त कल्याणराव विधाते व हडपसर पोलिस ठाण्याचे वरिष्ठ पोलिस निरिक्षक रमेश साठे यांच्या मार्गदर्शनाखाली सापळा रचून चौघांना ताब्यात घेतले. चौघांची चौकशी केली असता त्यांनी वेगवेगळ्या कंपनीच्या किंमत रूपये 12, 20,000 च्या एकूण 25 मोटार सायकली मिळून आल्या. आरोपी हे शक्यतो हिरो होंन्डा कंपनीच्या मोटार सायकली चोरत होते. चोरलेल्या दुचाकी ग्रामीण भागात विकणार होत, अशी माहिती आरोपींकडून मिळाली.

अरे बापरे! मानाच्या विड्यासाठी मोजले तब्बल ३० लाख! कोठे ते पहा?

आरोपींकडून हडपसर पोलिस ठाणे 11 गुन्हे, वानवडी, कोंढवा, सहकारनगर, मार्केट यार्ड, येरवडा, लोणीकंद पोलिस ठाणे, लोणीकाळभोर पोलिस ठाणे, यवत पोलिस ठाणे, शिवाजी पोलिस ठाणे या आरोपींनी मोटार सायकल चोरी केल्याचे तपासात निष्पन्न झाले आहे. 

बांगलादेशींना पकडायला गेले अन् 'मनसे'वाले स्वत:च अडकले