जुन्नर : कोरोनाचा संसर्ग रोखण्यासाठी मास्क न वापरणाऱ्या नागरिकांवर सोमवारपासून दंडात्मक कारवाईची मोहीम सुरू करण्यात येणार आहे, अशी माहिती मुख्याधिकारी डॉ. जयश्री काटकर व आरोग्य विभाग प्रमुख प्रशांत खत्री यांनी दिली.
नागरिकांना मास्क वापरण्याबाबत शहरात जनजागृती केली जात आहे. दवंडी, प्रसिद्धीकरण आदी माध्यमातून नागरिकांना सूचना देण्यात येत आहेत. सोमवार पासून शहरातील रस्ते, मुख्य रस्ते, बाजारपेठा तसेच कार्यालयात मास्क न लावणाऱ्या व्यक्तीकडून प्रत्येकी पाचशे रुपये दंड वसूल केला जाणार आहे. आरोग्य विभागाच्या पथकामार्फत ही कारवाई करण्यात येणार आहे. लॉकडाउनमध्ये शिथिलता दिली गेल्याने विविध कामासाठी तसेच विनाकारण नागरिकांचे रस्त्यावर येण्याचे प्रमाण वाढले असल्याने कोरोनाचा प्रादुर्भाव वाढण्याची शक्यता व्यक्त केली जात आहे.
अनेक नागरिकांनी देखील मास्क न वापरल्यास दंड करावा अशी मागणी केली आहे.
पुण्याच्या बातम्या वाचण्यासाठी येथे ► क्लिक करा
जुन्नर शहराच्या परिसरातील गावातून कोरोनाचा वाढता प्रादुर्भाव पाहता नागरिकांनी आपल्या व दुसऱ्याच्या सुरक्षेसाठी मास्क वापरणे काळाची गरज आहे. यासाठी स्वतंत्र पथक नेमणूक करून त्याद्वारे प्रबोधन करण्याचे नियोजन केले जाणार असल्याचे असे डॉ.काटकर यांनी सांगितले.
पुण्याच्या बातम्या वाचण्यासाठी येथे ► क्लिक करा
काही पानटपऱ्या अनधिकृतपणे सुरू केल्याच्या तक्रारी असून येथे जवळपास तंबाखू, गुटका खाऊन थुंकणारे आढळून येतात त्यांच्या विरोधात देखील कारवाई केली जाणार आहे.
जुन्नर नगर पालिका हद्दीतील व्यावसायिक आस्थापनांनी कोरोना विषाणूचा संसर्ग व प्रादुर्भाव रोखणेसाठी नगर पालिका क्षेत्रात रहिवासी असलेल्या व कामानिमित्त जुन्नर शहरात येणाऱ्या प्रत्येक नागरिकांने सार्वजनिक ठिकाणी चेहऱ्यावर मास्क घालावा.
पुण्याच्या बातम्या वाचण्यासाठी येथे ► क्लिक करा
तसेच जुन्नर शहरात सार्वजनिक ठिकाणी वावरताना कोणीही रस्त्यावर अथवा सार्वजनिक ठिकाणी फिरत असताना, थांबलेले असताना, गाडी चालवीत असताना, मास्कचा वापर करावा. असे कळविण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.