पुणे : जागेचे खरेदीखत झाल्यानंतरही मूळ जमीन मालकाने जागा बळकावण्याचा प्रयत्न करून जमीन मोजणीसाठी गेलेल्या फिर्यादी महिलेला धमकावण्याचा प्रकार समोर आला आहे. याप्रकरणी लोणीकंद पोलिसांनी गुन्हा दाखल केला आहे.
याप्रकरणी मीरा रोझरियो बरेटो (वय ६३, रा. टिंगरेनगर) यांनी फिर्याद दिली आहे. त्यावरून दादा बबन सातव (रा. वाघोली) यांच्यासह सात जणांविरुद्ध गुन्हा दाखल केला आहे. पोलिसांनी दिलेल्या माहितीनुसार, फिर्यादी बरेटो यांनी मूळ मालकाकडून आव्हाळवाडी येथील चार हेक्टर ४८ आर जमीन सन २०११ मध्ये खरेदीखत करून घेतले आहे.
तसेच, त्यांचा भाऊ नरेंद्र देत्री यांच्या नावे २०१३ मध्ये २० आर जमिनीचे खरेदीखत झाले आहे. हा संपूर्ण व्यवहार धनादेशाद्वारे झालेला आहे. फिर्यादीने या जमिनीची सरकारी मोजणी करण्यासाठी भूमी अभिलेख कार्यालयात अर्ज दिला होता. तसेच, जागेची मोजणी करताना पोलिस बंदोबस्तही मंजूर केला होता.
त्यानुसार फिर्यादी कर्मचाऱ्यांसोबत मोजणी करण्यासाठी गेल्यानंतर त्यांना शिवीगाळ करून धमकावण्यात आले. तसेच, मूळ मालकांकडून या जागेवर मालकी हक्कासंदर्भात फलक लावून अतिक्रमण केले आहे, असे फिर्यादीत नमूद केले आहे. पुढील तपास वरिष्ठ पोलिस निरीक्षक गजानन पवार करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.