पिंपरी - जमावबंदी आदेशाचे उल्लंघन करीत पिंपरीतील लालबहादूर शास्त्री भाजी मंडईत काही दुकानदारांनी त्यांची दुकाने उघडी ठेवून गर्दी जमविली. यामुळे करोनाचा संसर्ग वाढण्याची शक्यता निर्माण झाली. याप्रकरणी तीन दुकानदारांवर पिंपरी पोलिसांनी गुन्हा दाखल केला आहे.
सुनील हिरामण कुदळे (वय 32, रा. नवमहाराष्ट्र शाळे जवळ, पिंपरीगाव) महेश बाळासाहेब घरद (वय 32, राहणार वाघेरे कॉलनी, पिंपरी), ज्ञानेश्वर तुकाराम तापकीर (वय 36, राहणार तापकीरवस्ती, वडमुखवाडी, चाऱ्होली) अशी गुन्हा दाखल झालेल्यांची नावे आहेत. पोलीस आयुक्तालयाच्या हद्दीत कोणत्याही रस्त्यावर, सार्वजनिक ठिकाणी संचार करण्यास तसेच जमाव जमविण्यास बंदी आहे. तरीही आरोपीनी बुधवारी (ता. 15) पहाटे साडेपाच वाजता पिंपरीतील लाल बहादूर शास्त्री भाजी मंडईतील त्यांच्या दुकानासमोर भाजी मंडईतील खरेदीदार व व्यापारी जमाव जमवून स्वतः च्या आर्थिक फायद्यासाठी भाजीची विक्री केली. याठिकाणी गर्दी झाल्याने कोरोनाचा संसर्ग पसरण्याची शक्यता निर्माण झाली. त्यांना दुकाने बंद करण्याबाबत आदेश दिले असतानाही दुकाने सुरूच ठेवून नागरिकांच्या जीवितास धोका निर्माण केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.