पुणे : निसर्ग चक्रीवादळामुळे जिल्ह्यात तिघांचा बळी गेला असून, अन्य तिघे जखमी झाले आहेत. तसेच, दीड हजार घरांचे आणि चारशे हेक्टर क्षेत्रातील पिकांचे नुकसान झाले आहे.

ताज्या बातम्यांसाठी डाऊनलोड करा ई-सकाळचे ऍप
प्रकाश किसन मोकर (वय 52 , रा.मोकरवाडी, ता.हवेली) यांचा लोखंडी पत्रा लागून मृत्यू झाला आहे. तर, मंजाबाई अनंत नवले (वय 65, वहागाव, ता.खेड) आणि नारायण नवले (वय 47, रा.वहागाव, ता.खेड) या दोघांचा मृत्यू भिंत कोसळून मृत्यू झाला आहे.

पुण्याच्या बातम्या वाचण्यासाठी येथे ► क्लिक करा

मृत व्यक्तींच्या वारसांना प्रति व्यक्ती चार लाख रुपये मदत देण्यात येईल. याबाबत हवेली आणि खेड तहसिलदार यांच्यामार्फत कार्यवाही सुरु आहे, अशी माहिती विभागीय आयुक्त डॉ.  दीपक म्हैसेकर आणि जिल्हाधिकारी नवल किशोर राम यांनी गुरुवारी वेब पत्रकार परिषदेत दिली.

पिंपरीतील महापालिका सर्वसाधारण सभेत झाली खडाजंगी; कोण काय म्हणाले वाचा सविस्तर

पुणे विभागात निसर्ग चक्रीवादळाचा तडाखा पुण्यासह सातारा आणि कोल्हापूर जिल्ह्याला बसला आहे. परंतु सर्वाधिक नुकसान पुणे जिल्ह्यात झाले आहे. त्यात सुमारे दीड हजार घरांचे अंशत नुकसान झाले आहे. याशिवाय 114 पक्की घरे, अंगणवाडी, शाळा आणि 89 झोपड्यांचे नुकसान झाले आहे. तसेच, जिल्ह्यातील मावळ, मुळशी, खेड, जुन्नर, आंबेगाव यासह अन्य तालुक्यांतील 402 हेक्टर क्षेत्रावरील पिकांचे नुकसान झाले आहे. येत्या दोन दिवसांत या सर्व नुकसानीचे पंचनामे पूर्ण करण्यात येतील, असे त्यांनी या वेळी सांगितले.