पिंपरी : रोकड लुटून तरुणावर कोयत्याने हल्ला केल्याप्रकरणी तिघांवर गुन्हा दाखल झाला आहे. ही घटना चिखली येथे घडली. तारा बामा खेतरपाल (वय 23, रा. पत्राशेड, घरकुल, चिखली) यांनी फिर्याद दिली आहे. त्यानुसार पिल्या गायकवाड व अन्य दोघांवर गुन्हा दाखल झाला आहे.

पुण्यात सॅनिटायजर, हॅंडग्लोजचा खप दोनशे पटीने वाढला
गुरुवारी (ता. 27) रात्री नऊच्या सुमारास पत्राशेड येथील पिरबाबा दर्ग्याच्या शेजारी फिर्यादी झोपलेले असताना आरोपी (एम.एच. 14, एच.जी. 1483) या क्रमांकाच्या मोटारीने त्याठिकाणी आले.

अंगाला हळद लागण्या अगोदरच तरुणावर काळाचा घाला
आरोपी हे फिर्यादीचे खिसे चाचपटत असताना त्यांना जाग आली. त्यावेळी "आम्ही इथले भाई आहोत, मी पिल्या भाई चल मला तुझ्याकडे असलेले पैसे काढून दे, नाहीतर तुला खल्लास करून टाकीन' अशी धमकी दिली. त्यानंतर फिर्यादीकडील दोन हजार 200 रुपयांची रोकड काढून घेत फिर्यादीवर कोयत्याने हल्ला केला. चिखली पोलिस अधिक तपास करीत आहेत.