पुणे : महापालिकेतर्फे शहरात उद्या ( शनिवारी) ५३ ठिकाणी कोव्हीशील्ड तर १६ ठिकाणी कोव्हॅक्सीन लसीचे डोस उपलब्ध करून देण्यात आले आहेत, असे महापालिका प्रशासनातर्फे सांगण्यात आले.

प्रत्येक केंद्रांवर १०० लसीचे डोस उपलब्ध करून दिले आहेत. कोव्हीशील्ड लसीच्या ६० टक्के लस ही ऑनलाइन बुकिंग करून आलेल्या ४५ वयाच्या पुढील नागरिकांच्या पहिल्या डोससाठी राखीव आहे. ही बुकिंग उद्या (शनिवारी) सकाळी ८ वाजता सुरू होणार आहे. उर्वरित लस दिव्यांग, स्तनदा माता, फ्रंटलाइन कर्मचारी, आरोग्य सेवक व ४५ च्या पुढील नागरिकांच्या पहिल्या डोससाठी उपलब्ध असेल. ज्या नागरिकांनी २९ मार्च पूर्वी (८४ दिवस) पहिला डोस घेतला आहे. त्यांना दुसरा डोस दिला जाईल.

कोव्हॅक्सीनची लस दुसऱ्या डोससाठी उपलब्ध आहे. १८ वर्षापासून पुढील वयोगटातील नागरिकांनी १५ मे पूर्वी पहिला डोस घेतला असेल, त्यांना दुसरा डोस दिला जाईल.