पुणे : पुणेकरांच्या मनात आपुलकीचे स्थान असणारा "सकाळ' उद्या (ता. 1) 89 व्या वर्षात पदार्पण करीत आहे. या निमित्ताने "सकाळ'च्या बुधवार पेठेतील कार्यालयाच्या प्रांगणात सायंकाळी साडेपाच ते रात्री साडेआठ या वेळेत स्नेहमेळाव्याचे आयोजन करण्यात आले आहे. या वेळी सर्वांनी आवर्जून उपस्थित राहावे आणि नववर्षाची सुरवात आनंददायी करावी, असे आवाहन "सकाळ' परिवाराच्या वतीने करण्यात आले आहे.
पुणेकरांची "सकाळ' ही "सकाळ' वाचून होते, हाच दृढ विश्वास जपत "सकाळ'ने गेली 88 वर्षे आपला पत्रकारितेचा वसा जपला आहे. विश्वासार्हता आणि उत्तम दर्जा या जोरावर "सकाळ'ने आपला प्रथम क्रमांक अबाधित ठेवून, वाचकांशी आपली बांधिलकी कायम जपली. पत्रकारितेसोबत "सकाळ'ने सामाजिक उपक्रमांमध्ये नेहमीच पुढाकार घेतला.
अनुष्कासोबतच्या सुट्या संपवून परतताच विराटला मिळाली गुड न्यूज
संकटाच्या काळात नागरिकांच्या हाकेला ओ देणारा आणि पीडितांचे संसार उभे करण्यासाठी सकाळ नेहमीच अग्रभागी राहिला आहे. दरवर्षी पुणेकरांची नवीन वर्षाची सुरवात "सकाळ'च्या स्नेहमेळाव्यानेच होत असते. यंदाही बुधवारी सायंकाळी साडेपाचला आकर्षक विद्युतरोषणाईने सजविलेल्या "सकाळ' प्रांगणात स्नेहमेळावा होत आहे. यात विविध क्षेत्रांतील मान्यवर, वाचक उपस्थित राहणार आहेत. स्नेहमेळाव्यास येताना पुष्पगुच्छ आणू नयेत, अशी विनंती करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.