चास, ता. २४ : जागतिक वसुंधरा दिन शुक्रवारी (ता. २२) जगभरात साजरा केला गेला. या दिनानिमित्त वनपरिक्षेत्र खेड अंतर्गत वनपरिमंडळ बिबी यांनी तीर्थक्षेत्राचा दर्जा असलेल्या शंभो महादेव परिसराची स्वच्छता केली. परिसरातील प्लास्टिक संकलन करून त्याची विल्हेवाट लावण्यात आली. या वेळी उपस्थितांना बिबीचे वनपाल गिरीश कुलकर्णी यांनी वाढते शहरीकरण, अवैध वृक्षतोड, आटत चाललेले जलस्रोत व जलक्षेत्र, जलप्रदूषण, वातावरणातील बदल व त्याचे होणारे परिणाम याबाबत माहिती दिली. उद्योजक सागर भोर यांनी उन्हाळ्यात प्राणी व पक्षांसाठी पाणीपुरवठा करण्याची जबाबदारी घेतल्याने त्यांचेही कौतुक केले. या कार्यक्रमासाठी वनपाल एम. जी. वाघुले, वनरक्षक एम. एम. साबळे, एम. आर. शेळके, वनसेवक शांताराम बुरसे, माऊली बुरसे यांच्यासह पै. सागर भोर, सरपंच सुजाता भोर, उपसरपंच सतीश जैद, अरुण गुंडाळ, दीपक कालेकर, सोनाबाई दोरे, फसाबाई चतुर, सुनील वाळुंज, महेश राखुंडे, रवी बुरसे उपस्थित होते.