पारगाव, ता. १३ : लोणी (ता. आंबेगाव) येथील पाबळ रोड ते खंडागळे वस्ती रस्ता डांबरीकरण कामासाठी १५ लाख रुपये निधी मंजूर झाला आहे.
या रस्त्यावर खूप खड्डे पडले होते. वर्दळीसाठी रस्ता खराब झाला होता. या भागातील नागरिकांनी रस्ता दुरुस्ती करून डांबरीकरण करावा, अशी मागणी केली होती. गृहमंत्री दिलीप वळसे पाटील यांच्या मार्गदर्शनाखाली व जिल्हा परिषदेचे माजी उपाध्यक्ष विवेक वळसे पाटील यांच्या माध्यमातून पुणे जिल्हा परिषदेच्या निधीमधून या रस्त्याच्या डांबरीकरणासाठी १५ लाख रुपये मंजूर केले.
या कामाचा प्रारंभ राष्ट्रवादी काँग्रेसचे गण प्रमुख बाळशिराम वाळुंज यांच्या हस्ते करण्यात आला. या प्रसंगी शरद बँकेचे संचालक अशोक आदक पाटील, माजी सरपंच उद्धवराव लंके, उपसरपंच अनिल पंचरास, अशोक वाळुंज, सतीश थोरात, माजी उपसरपंच सुरेखा थोरात, राणी गायकवाड, दिलीप आदक, नितीन आढाव, महात्मा गांधी तंटामुक्त गाव समिती अध्यक्ष संतोष पडवळ, हैबतराव आढाव, गंगाराम खंडागळे आदी ग्रामस्थ उपस्थित होते.