पिरंगुट, ता. १ : मुठा (ता. मुळशी) येथील मोफत सर्व रोग तपासणी शिबिरात ७०० पेक्षा अधिक नागरिकांची तपासणी करण्यात आली.
जिल्हा परिषद, प्राथमिक आरोग्य केंद्र, ग्रामपंचायत तसेच सिंबायोसिस रिसर्च सेंटरच्यावतीने आयोजित केलेल्या या शिबिरात कान, नाक, घसा, डोळे तसेच अन्य विविध प्रकारच्या तपासण्या करण्यात आल्या. यावेळी मुठा खोऱ्यातील ७०० पेक्षा अधिक नागरिकांनी शिबिराचा लाभ घेतला. मुळशी तालुका काँग्रेसचे उपाध्यक्ष महेश गुरव यांच्या हस्ते शिबिराचे उद्‍घाटन करण्यात आले. यावेळी प्राथमिक आरोग्य केंद्राचे वैद्यकीय अधिकारी डॉ. रामदास ताटे, ग्रामपंचायत सदस्य सोनू भालेराव, राष्ट्रीय कुस्ती पंच चंद्रकांत मोहोळ, पोलिस पाटील गणपत मोहोळ, खारावडे येथील सरपंच भाऊ शेडगे, ज्ञानेश्‍वर अष्टेकर, संतोष ढिले, तानाजी मोहोळ, दत्ता मोहोळ, पंकज उत्तेकर, शिवाजी मोहोळ आदी उपस्थित होते.