मांडवगण फराटा, ता. १८ : पुणे स्टेशन ते मांडवगण फराटा (ता. शिरूर) ही पीएमपीएमएल बससेवा रविवारपासून (ता. १७) सुरू करण्यात आली. आमदार अशोक पवार यांच्या हस्ते या बससेवेचा प्रारंभ करण्यात आला.
या परिसरासाठी बस सेवा चालू करावी, अशी या परिसरातील ग्रामस्थ, ज्येष्ठ नागरिक, कामगार व विद्यार्थी वर्गाकडून गेल्या सहा महिन्यांपासून मागणी केली जात होती. आमदार अशोक पवार यांनी यासाठी पुढाकार घेतला होता. मांडवगण फराटा येथे बस डेपोचे व्यवस्थापक संजय कुसाळकर, सीनियर टाईमकिपर प्रभाकर देशमुख, जिल्हा परिषदेच्या माजी सभापती सुजाता पवार यांच्या प्रमुख उपस्थितीत या बस सेवेचा प्रारंभ करण्यात आला. पुणे स्टेशन येथून ही बस दुपारी १ व संध्याकाळी ७.४५ वाजता तर मांडवगण येथून सकाळी ६.३० व दुपारी ४ वाजता सुटणार आहे. याप्रसंगी बस चालक विनोद गायकवाड, वाहक नवनाथ तांदळे व पीएमपीएलच्या अधिकाऱ्यांचा ग्रामस्थांच्या वतीने फेटे बांधून सत्कार करण्यात आला.
यावेळी घोडगंगाचे माजी उपाध्यक्ष बाबासाहेब फराटे, संचालक दत्तात्रेय फराटे, माजी संचालक भानुदास फराटे, कांतिलाल होळकर, शंकर फराटे, लतिका जगताप, सरपंच शिवाजी कदम, उपसरपंच सुभाष पाटील फराटे, वाल्मीक नागवडे, माजी सरपंच माणिक फराटे यांची भाषणे झाली. यावेळी केशव फराटे, संभाजी फराटे, गणपत फराटे, सागर फराटे, जगन्नाथ जगताप, बाळासाहेब चौधरी, अंकुश शितोळे, दिलीप फराटे, प्रतिभा बोत्रे, मनीषा सोनवणे आदी उपस्थित होते. धनंजय फराटे यांनी सूत्रसंचालन केले.