आळेफाटा, ता. ४ : जुन्नर तालुका कृषी उत्पन्न बाजार समितीच्या आळेफाटा येथील
उपबाजारात रविवारी (ता. २) कांद्याची २३ हजार ५३१ गोण्यांची आवक झाली. प्रतवारीनुसार एक नंबर कांद्यास प्रतिदहा किलोस २८१ रुपये बाजार भाव मिळाला, अशी माहिती बाजार समितीचे सभापती संजय काळे उपसभापती दिलीप डुबरे यांनी दिली.
बाजारात नवीन कांद्यास प्रतवारीनुसार भाव मिळाला. एक नंबर कांद्यास प्रतिदहा किलोस २६०ते २८१ रूपये, दोन नंबर कांद्यास १८० ते २६०, तीन नंबर कांद्यास १२० ते १८० रुपये बाजारभाव मिळाला. गोल्टा कांद्याच्या प्रतिदहा किलोस ५० ते १०५ रुपये आणि बदला कांद्यास १० ते ५० रुपयांचा भाव मिळाला.

दरम्यान, गेल्या आठवड्यात नवीन कांद्याची मोठ्या प्रमाणावर आवक झाली होती. तेव्हा दहा किलोस ३११ रुपये बाजारभाव मिळाला होता. या तुलनेत रविवारी भावात वीस ते तीस रुपयांची घसरण झाल्याची माहिती व्यापारी संदीप कोरडे, जिवन शिंदे, संजय कुऱ्हाडे यांनी दिली.