माळशिरस, ता. ६ : भारत फोर्ज लिमिटेड पुणे यांच्या माध्यमातून कंपनीचे अध्यक्ष माननीय बाबासाहेब कल्याणी यांच्या मार्गदर्शनाने ग्रामीण भागातील नागरिकांचे राहणीमान उंचावले पाहिजे. या उदात्त भावनेने पुरंदर तालुक्यातील अनेक गावांमध्ये विविध लोकोपयोगी विकास कामे केली जात आहेत, असे मत भारत फोर्ज कंपनीच्या सीएसआर विभाग प्रमुख डॉ. लीना देशपांडे यांनी व्यक्त केले.

आंबळे गावातील रस्ते सिमेंट काँक्रिटीकरण केले आहेत. अनेक वर्षे प्रलंबित असलेल्या रस्त्यावर पक्के रस्ते झाल्याने नागरिकांमध्ये आनंदाचे वातावरण पाहायला मिळाले. या कामांचा लोकार्पण कंपनीच्या सीएसआर विभाग प्रमुख डॉ. लीना देशपांडे, जलदूत सागर काळे, समन्वयक, जयदीप लाड, सरपंच राजश्री थोरात, उपसरपंच सचिन दरेकर, सदस्या गौरी कुंजीर, संजय जगताप, शशिकांत भाऊ दरेकर, गुलाब जगताप, जगताप सर, ग्रामसेवक वडवले भाऊसाहेब, आरोग्य विभागाचा आरोग्य सेविका व ग्रामस्थ मोठ्या संख्येने उपस्थित होते.
..............................

00754