आळेफाटा, ता. १४ ः सावित्रीबाई फुले पुणे विद्यापीठात आज सावित्रीबाई फुले यांच्या पुतळ्याचे अनावर करण्यात आले. या समारंभानिमित्त आळे (ता. जुन्नर) येथील बाळासाहेब जाधव कला, वाणिज्य व विज्ञान महाविद्यालयात “सावित्रीबाई फुले यांचे जीवन व कार्य” याबाबत विद्यार्थ्यांना माहिती व्हावी म्हणून विद्यार्थी विकास मंडळ अंतर्गत “सावित्री महोत्सव” या उपक्रमाद्‍वारे व्याख्यान, गीत गायन, कविता, पोवाडा आदींचे आयोजन करण्यात आले होते.
या उपक्रमाचे उद्‍घाटन महाविद्यालय विकास समितीचे अध्यक्ष अर्जुन पाडेकर यांच्या हस्ते करण्यात आले. यावेळी पाडेकर म्हणाले, ‘‘क्रांतिज्योती सावित्रीबाई फुले यांनी समाजाचा त्रास सहन करून मुलींसाठी पहिली शाळा सुरु केली. त्यामुळे आज आपल्या आई, बहिणी व मुली धाडसाने शिक्षण घेऊन देशाचे नेतृत्व करत आहेत. शास्रज्ञ, इंजिनिअर, डॉक्टर इत्यादी क्षेत्रात गगन भरारी घेतलेली आहे.’’
या कार्यक्रमामध्ये समृद्धी राजेश जगताप हिचे ‘व्हय, मी सावित्री बोलतेय’ या विषयावर व्याख्यान झाले तर बाबूराव सोनवणे यांचे सावित्रीबाई फुले यांचे कविता वाचन आणि आजी-माजी विद्यार्थी यांचे गीत गायन व कविता वाचन या कार्यक्रमाचे आयोजन करण्यात आले होते.
या प्रसंगी ज्ञानेश्वर ग्रामोन्नती मंडळाचे अध्यक्ष भाऊदादा कुऱ्हाडे, उपाध्यक्ष उल्हास सहाणे, सचिव बाळासाहेब गुंजाळ, खजिनदार रोहिदास पाडेकर, माजी जिल्हा परिषद सदस्य प्रसन्न अण्णा डोके, किशोर कुऱ्हाडे, बबनराव सहाणे, गंगाराम गुंजाळ, माऊली कुऱ्हाडे, अरुण हुलवळे, संपत गुंजाळ, राजूशेठ कुऱ्हाडे, तुकाराम गाढवे, प्राचार्य प्रवीण जाधव, डॉ. अनिल उगले, डॉ. संजय क्षीरसागर, डॉ. सविता रहांगडाळे, रावसाहेब गरड, डॉ. अजित सूर्यवंशी, भाग्यश्री बाम्हने, छाया औटी, श्रध्दा जाधव, सोनाली काळे आदी उपस्थित होते. कार्यक्रमाचे प्रास्ताविक कार्यक्रम अधिकारी डॉ. रमेश भिसे यांनी तर सूत्रसंचालन डॉ. अरुणा वाघोले यांनी केले. तर आभार पल्लवी निखळ यांनी मानले.