घोडेगाव, ता २० : येथे (ता. आंबेगाव) शिवजयंतीनिमित्त घोडेगाव आदिम संस्थेच्या कार्यालयात शिवरायांच्या प्रतिमेला अभिवादन करून करण्यात आले. सध्यस्थितीत शिवाजी महाराज यांच्या विचारांचा वारसा जोपासण्याबाबत उपस्थितांमध्ये गटचर्चा करण्यात आली.
यावेळी किसान सभेचे उपाध्यक्ष राजू घोडे म्हणाले, की आजच्या लोकशाही व्यवस्थेत राजेशाही व्यवस्थेतील एका राजाची गरज वाटावी. यातच त्या राजाचे कर्तृत्‍व सामावले आहे. शिवरायांचे मानवतेच मूल्य आपण अंगीकारले पाहिजे. महापुरुषांच्या जयंत्या नाचून नव्हे तर वाचून साजऱ्या करायला हव्यात.
यावेळी आदिम संस्थेचे नंदन लोंढे, दिव्या जाधव, भारती बाळापुरे किसान सभा आंबेगाव तालुका उपाध्यक्ष राजू घोडे, SFI पुणे जिल्हा अध्यक्ष अविनाश गवारी, SFI रज्य समिती सदस्य विलास साबळे,मोहन बांबळे, विशाखा बांबळे आदी उपस्थित होते.