केडगाव, ता. १४ ः केडगाव (ता. दौंड) येथे महावीर जयंती उत्साहात साजरी करण्यात आली. जैन श्रावक संघाने जयंतीचे आयोजन केले होते. सकाळी बाजारपेठेतून महावीरांच्या प्रतिमेची शोभा यात्रा काढण्यात आली. मिरवणूक जैन स्थानकात पोहचल्यानंतर मंगलचरणाने सर्वांचे स्वागत करण्यात आले. यावेळी जैन साध्वी उज्वलाकुंवरजी, किर्तीसुधाजी, उन्नतीश्रीजी या उपस्थित होत्या. उज्वलाकुंवरजी यांनी भगवान महावीर यांच्या जीवनातील विविध घटना व अहिंसा यावर माहिती दिली. किर्तीसुधाजी यांनी भगवान महावीर यांच्या पाळणा म्हटला. उन्नतीश्रीजी यांनी स्तवन केले. महिला मंडळाच्या अध्यक्षा नयना पोखरणा यांनी मनोगत व्यक्त केले. पूजा फिरोदिया यांनी स्वागत गीत गायले. शीतल पितळीया व प्रतिभा छाजेड यांनी चालविलेल्या जैन पाठशाळेतील गुणवंत विद्यार्थ्यांना यावेळी बक्षीसे देण्यात आली. मंगलपाठाने कार्यक्रमाची सांगता झाली.

KED22B01689