खळद, ता. २८ : वाळुंज (ता. पुरंदर) येथील विविध कार्यकारी सेवा सोसायटीच्यापदी अध्यक्षपदी विठ्ठल सादबा म्हेत्रे; उपाध्यक्षपदी निवृत्ती ज्ञानोबा इंगळे यांची बिनविरोध निवड करण्यात आली.
वाळुंज सोसायटीची निवडणूक बिनविरोध झाली होती. त्यात तेरा जागांपैकी आठ जागांवर शिवसेनेने ८, राष्ट्रवादी काँग्रेस ५ असे उमेदवार विजयी झाले. शिवसेनेकडून सर्जेराव इंगळे, अंकुश इंगळे, विठ्ठल म्हेत्रे, लक्ष्मण म्हेत्रे, निवृत्ती इंगळे, लता इंगळे, रघुनाथ चौरे, मुक्ताजी जगताप; तर राष्ट्रवादी काँग्रेसकडून सोनबा भोंगळे, प्रभाकर इंगळे, आत्‍माराम इंगळे, गणेश खोमणे, पुष्पावती इंगळे हे सदस्य निवडून आले.
या सोसायटीवर अनेक वर्ष राष्ट्रवादी कॉंग्रेसचे वर्चस्व होते. परंतु, यावेळी शिवसेनेने जिल्हा नियोजन समितीचे माजी सदस्य रमेश इंगळे यांच्या नेतृत्वाखाली सोसायटीवर भगवा फडकावून निर्विवाद वर्चस्व सिद्ध केले आहे. सोसायटीच्या अध्यक्ष व उपाध्यक्ष पदाच्या निवडणुकीचे कामकाज लेखापरीक्षक श्रेणी- २ (सहकारी संस्था) एस. एस. कुलकर्णी यांनी पाहिले.
या निवडीवेळी सरपंच कैलास म्हेत्रे, माजी उपसरपंच गोविंद इंगळे, तंटामुक्त गाव समितीचे अध्यक्ष अंकुश इंगळे, प्रमोद इंगळे, राहुल इंगळे, दत्तात्रेय म्हेत्रे, दत्तात्रेय इंगळे, सतीश इंगळे, नितीन इंगळे, संतोष नेवसे, विकास म्हेत्रे, अनिकेत नवले ,प्रवीण इंगळे, श्रीधर इंगळे, सुरेश म्हेत्रे, राहुल चौरे, योगेश जगताप, कैलास फ. इंगळे, विकास इंगळे आदी उपस्थित होते.