नसरापूर, ता. १७ ः नसरापूर महावितरण कार्यालयाच्या हद्दीतील हातवे आणि चेलाडी फाटा येथील दोन रोहित्र फोडून तारांची चोरी करण्यात आली. चोरट्यांनी ६३ हजाराचा मुद्देमाल चोरून नेल्याची फिर्याद राजगड पोलिस ठाण्यात महावितरणने दिली आहे.

ठाणे अंमलदार शरद धेंडे यांनी दिलेल्या माहितीनुसार, नसरापूर चेलाडी फाटा रावत डेअरी जवळील महावितरणचे रोहित्र फोडून तांब्याची ४० किलो वजनाची तार चोरीला गेली आहे. तसेच हातवे बु. भिलारेवाडी येथील रोहित्रामधून ॲल्युमिनिअम कॉईल चोरीस गेली आहे. याबाबत माहिती समजताच महावितरणचे राजकुमार कदम, समीर मुजावर, बबन कुंभार यांनी घटनास्थळी भेट दिली. पुढील तपास पोलिसच नाईक युवराज धोंडे करीत आहेत.