शिक्रापूर, ता.७ ः बुरुंजवाडी (ता. शिरूर) येथील विविध कार्यकारी सेवा सहकारी सोसायटीच्या अध्यक्षपदी बाळासाहेब माणिकराव टेमगिरे तर उपाध्यक्षपदी बाळासाहेब महादू नळकांडे यांची बिनविरोध निवड झाली.
सोसायटीच्या निवडणुकीत राष्ट्रवादीने एकहाती सत्ता मिळवली आहे. नूतन पदाधिकारी व संचालकांचा सन्मान गृहमंत्री दिलीप वळसे पाटील यांच्या हस्ते करण्यात आला. यावेळी माजी आमदार पोपटराव गावडे, आंबेगाव कृषी उत्पन्न बाजार समितीचे सभापती देवदत्त निकम, जिल्हा परिषदेचे माजी सदस्य शेखर पाचुंदकर, माजी सरपंच पूनम दत्तात्रेय टेमगिरे, लताबाई टेमगिरे, संचालक दीपक टेमगिरे, बाळासाहेब टेमगिरे, जाईबाई रुके, मनिषा टेमगिरे, अरुण रुके, अनिल रुके, दादासाहेब रुके आदी उपस्थित होते.