चाकण, ता. ३१ : येथील पुणे-नाशिक महामार्गावरील प्रज्ञेश रेसिडेन्सी येथील मंदिरात श्री गणेश, गुरुदेव दत्तात्रेय, रंगनाथ महाराज यांच्या मूर्तीची प्राणप्रतिष्ठापना व मंदिराचा कलशारोहण सोहळा, विविध कार्यक्रमाच्या आयोजनाने उत्साहात झाला, अशी माहिती डॉ. सचिन निकम यांनी दिली.
चाकण (ता. खेड) येथे मूर्ती प्राणप्रतिष्ठा सोहळ्यानिमित्त मिरवणूक, होमहवन, सुप्रिया साठे-ठाकूर यांचे प्रवचन व ब्रम्हमूर्ती ज्ञानेश्‍वर माऊलींचे काल्याचे कीर्तन झाले. तसेच, मंदिराचे कलशारोहण झाले. यावेळी माजी सभापती भगवान पोखरकर, हनुमंत जठार, नाशिकचे संजय दुसाने, निवृत्ती दुसाने, दाभाडीचे दाजीकाका निकम, मंचरचे गोविंद खिलारी, डॉ. सचिन निकम, डॉ. नम्रता निकम, चारुदत्त वाडेकर, डॉ. पंचाक्षरी पुजारी, डॉ. प्रदीप पाटील, डॉ. गोपाल चौधरी, अंकुश कडुसकर, भास्कर साळुंखे, डॉ. प्रतीक पाटील, विशाल कड, सरपंच महादेव बचुटे, किरण कड आदी उपस्थित होते. भाविकांसाठी महाप्रसादाचे आयोजन करण्यात आले होते.

Media Ids : CHN22B03230