सासवड शहर, ता. २ ः पुणे जिल्हा मध्यवर्ती सहकारी बँकेच्या संचालकपदाच्या निवडणुकीसाठी पुरंदर तालुक्यात ९९ टक्के मतदान झाले. यादरम्यान कोणताही अनुचित प्रकार घडला नाही.

अ वर्गामधून आमदार संजय जगताप हे बिनविरोध निवडून आले आहेत. ड वर्ग मतदारसंघातून प्रा. दिगंबर दुर्गाडे, सुरेश घुले, निर्मला जागडे व पूजा बुट्टे पाटील अशा चार उमेदवारांसाठी २२३ पैकी २१९ मतदारांनी आपला हक्क बजावला. प्रा. दिगंबर दुर्गाडे यांनी सकाळीच मतदान केले. मतदान प्रक्रियेदरम्यान आमदार संजय जगताप, माजी आमदार अशोक टेकवडे, सुदाम इंगळे, माणिकराव झेंडे पाटील, प्रदीप पोमण, पुष्कराज जाधव, नंदूकाका जगताप, नगराध्यक्ष मार्तंड भोंडे, सुनीता कोलते, बाबाराजे जाधवराव, राहुल शेवाळे, गंगाराम जगदाळे, श्रीकांत थिटे, श्रीकांत ताम्हाणे आदी उपस्थित होते.