सासवड शहर, ता. १२ ः महाराष्ट्रातील सर्वात उंच असलेले कळसूबाई शिखर पुरंदर ट्रेकर्सकडून सर करण्यात आले. पुरंदरमधील पुरंदर ट्रेकर्स या माध्यमातून दर महिन्याला एक ट्रेक करण्याचे नियोजन असते. अशाच पद्धतीने कळसूबाई शिखर या ट्रेकमध्ये ३० ते ७० वयोगटातील व्यक्तींनी या ट्रेकमध्ये सहभाग घेतला होता. राष्ट्रवादीचे प्रवक्ते विजय कोलते, सतीश शिंदे, शशिकला कोलते, शिवाजी घोगरे, कलाताई फडतरे, पप्पू टिळेकर, मयूर भागवत, शहाजी पोमण, अमर झेंडे, अंकुश शिवरकर, बाळासाहेब मुळीक, राहुल जाधव आदी ट्रेकर्सनी यात सहभाग घेतला होता.
वेगळा अनुभव या ट्रेकमध्ये आला. अतिशय उत्साहवर्धक वातावरणामध्ये हा ट्रेक पूर्ण झाला असे विजय कोलते यांनी सांगितले. असा ट्रेक करत असताना शरीराची मनाची, दुर्दम्य इच्छाशक्तीच्या जोरावरती हा ट्रेक आम्ही सर्वांनी खूप सहजरित्या पूर्ण केला, असे सतीश शिंदे यांनी सांगितले.