सासवड शहर, ता. २४ : सध्या कार्डधारकांना पॉस मशीनवर ऑनलाइन पद्धतीने रेशन वाटप केले जाते. पुरंदर तालुक्यातील दुकानात नियमित धान्य व प्रधानमंत्री गरीब कल्याण या दोन्ही योजनांचे धान्य वाटप केले जात आहे. गेले तीन-चार दिवस सर्वरच्या अडचणीमुळे धान्य वाटपात अडचण आली आहे. त्यामुळे दुकानदारांना कार्डधारकांच्या रोषाला सामोरे जावे लागत आहे. त्यातच फेब्रुवारी २०२२ चा डाटा उशिरा आल्यामुळे वाटपासाठी कमी दिवस आहेत. त्यामुळे वाटप पूर्ण करण्याची दुकानदारांना काळजी लागली आहे. शासनाने सर्वरची येणारी अडचण लवकरात लवकर दूर करण्याची मागणी रेशन दुकानदार संघटनेचे अध्यक्ष अशोक दळवी व उपाध्यक्ष रवींद्र ताकवले यांनी केली आहे.