इंदापूर, ता. ३१ : ''''सावता परिषदेचे संस्थापक अध्यक्ष कल्याण आखाडे यांनी संघटनेच्या माध्यमातून राज्यात मोठे काम केले आहे. संत सावता महाराज यांच्यासाठी प्रसिद्ध अरण तीर्थक्षेत्राचा सर्वांगीण विकास होण्यासाठी ते सर्वांना बरोबर घेऊन काम करत आहेत. परिषदेने विधानसभा निवडणुकीत राष्ट्रवादी काँग्रेस व वैयक्तिक मला मोठी मदत केली आहे. त्यामुळे सावता परिषदेस माझे नेहमी पाठबळ राहील,'''' अशी ग्वाही राज्यमंत्री दत्तात्रेय भरणे यांनी दिली.

भरणे यांच्या हस्ते भरणेवाडी (ता.इंदापूर) येथे सावता परिषदेच्या पंधराव्या वर्धापन दिनानिमित्त संत सावता महाराज यांच्या प्रतिमेचे पूजन करण्यात आले. यावेळी महाराष्ट्र राज्य सावता परिषदेचे मुख्य प्रदेश संघटक संतोष राजगुरू म्हणाले, सावता परिषदेचे संस्थापक अध्यक्ष कल्याण आखाडे यांच्यामुळे संत सावता महाराज संजीवनी समाधी तीर्थक्षेत्राचे महत्त्व सर्वांना पटल्याने या तीर्थक्षेत्राचा झपाट्याने विकास होत आहे.
यावेळी सावता परिषदेचे तालुकाध्यक्ष प्रकाश नेवसे, युवक आघाडी तालुकाध्यक्ष अमर बोराटे, जिल्हा उपाध्यक्ष राहुल ननवरे, तालुका उपाध्यक्ष विष्णू झगडे, कार्याध्यक्ष मच्छिंद्र भोंग, इंदापूर सोशल मीडिया प्रमुख सचिन शिंदे, तालुका संघटक सुहास बोराटे, पुणे जिल्हा नियोजन मंडळाचे सदस्य सचिन सपकळ, ॲड. लक्ष्मण शिंगाडे, युवक राष्ट्रवादी तालुकाध्यक्ष शुभम निंबाळकर, छत्रपती साखर कारखान्याचे संचालक रणजित निंबाळकर, तालुका खरेदी-विक्री संघाचे संचालक कोंडिबा भोंग, विकास सोसायटीचे संचालक महादेव शेंडे, अजय गवळी उपस्थित होते.

04232