लोणी धामणी येथील विवाहितेला मारहाण

मंचर २ : दोन नंबरचा व्यवसाय करू नये असे सांगितल्याच्या कारणावरून पतीनेच पत्नीला शिवीगाळ, दमदाटी करत बेल्टने मारहाण केल्याची घटना घडली आहे. या प्रकरणी संजय रामनाथ राक्षे (वय ४०, रा. संगमनेर खुर्द खांडगाव रोड, राक्षेवस्ती ता.संगमनेर) याच्या विरोधात मंचर पोलिस ठाण्यात गुन्हा दाखल झाला आहे. याबाबत स्नेहा संजय राक्षे (वय ३०, सध्या रा. लोणी धामणी, ता. आंबेगाव) यांनी मंचर पोलिस ठाण्यात फिर्याद दिली आहे.
संगमनेर खुर्द (ता. संगमनेर) येथे स्नेहा राक्षे यांचा पती संजय राक्षे याने मानसिक व शारीरीक छळ केला. ‘दोन नंबरचा व्यवसाय करू नको’ असे स्नेहा यांनी म्हटल्या नंतर दारू पिऊन संजयने स्नेहा यांना मारहाण केली. स्नेहा यांनी माहेरहून वडिलांकडून ५० हजार रुपये रुग्णवाहिका घेण्यासाठी आणावेत, म्हणूनही छळ केला. छळाला कंटाळून स्नेहा यांनी वडिलांकडून ५० हजार रुपये आणले. त्या रक्कमेतून रुग्णवाहिका घेतली. रुग्णवाहिकेतून दोन नंबरचा व्यवसाय संजय करत होता. या व्यवसायाला स्नेहा यांनी विरोध केला. त्याचा राग आल्याने एवढ्या दिवस माहेरी का राहिलीस’ या कारणावरूनही त्याने हाताने, कुकरच्या दांडयाने व बेल्टने स्नेहाला मारहाण केली.