जुन्नर, ता. ३ : बारव (ता. जुन्नर) येथील आदिवासी समाज प्रबोधिनीमध्ये स्पर्धा परीक्षा मार्गदर्शन शिबिराचे आयोजन करण्यात आले आहे. तिसऱ्या वर्षातील प्रथम सत्रातील स्पर्धा परीक्षा प्रशिक्षण वर्गात ५२ विद्यार्थी सहभागी झाले आहेत. हे शिबिर २ जानेवारी ते २८ फेब्रुवारी पर्यंत सुरू राहणार आहे. यावेळी नायब तहसीलदार सचिन मुंढे, तुळशीराम भोईर, काळू शेळकंदे, मारुती वायाळ, प्रकाश आढारी, किसन भोजणे, तुकाराम रावते, गंगाराम सांगडे, विक्रम मुंढे, बबन कारभळ, किसन रावते आदी उपस्थित होते. जी. के. लांडे यांनी प्रास्ताविक केले. तानाजी तळपे यांनी सूत्रसंचालन तर, रवींद्र तळपे यांनी आभार मानले.