वालचंदनगर, ता. ९ ः सणसर (ता. इंदापूर) येथील माजी उपसरपंच जगदीश विनायकराव निंबाळकर (वय ६३) व माजी पोलिस पाटील राजेंद्रसिंह विनायकराव निंबाळकर (वय ६५) या दोन्ही सख्या भावांचे चार दिवसाच्या फरकाने निधन झाले.
गेल्या आठवड्यामध्ये जगदीश निंबाळकर यांचे निधन झाले. त्यांनी सणसरचे उपसरपंच म्हणून ही काम पाहिले होते. जगदीश निंबाळकर यांच्या मृत्यूनंतर त्यांचे थोरले बंधू राजेंद्रसिंह निंबाळकर यांचे शुक्रवारी (ता. ७) चार दिवसांनी हृदय विकाराचा झटका आल्याने मृत्यू झाला. ते पहिलवान म्हणून परिचित होते. त्यांनी गावाचे पोलिस पाटील म्हणून काम पाहिले होते. तसेच शरयू फाउंडेशनच्या सामाजिक उपक्रमामध्ये त्यांचा सहभाग होता. श्री छत्रपती कारखान्याचे माजी संचालक विजयसिंह निंबाळकर हे त्यांचे बंधू होत.