वाल्हे, ता. ३ : वाल्हे (ता. पुरंदर) येथील विपुल राऊत यांचा विवाह काळेवाडी येथील रत्नमाला गायकवाड यांच्याशी संपन्न झाला. यावेळी कोरोना व ओमिक्रॉनच्या पार्श्‍वभूमीवर या नवदांपत्याकडून वऱ्हाडी मंडळींचे मास्क, सॅनिटायझर व तापमापक यंत्र घेऊन तापमान तपासून स्वागत केले.
या प्रसंगी राहुल अडसूळ, सचिन अडसूळ, किशोर राऊत, सुरेश भुजबळ, कल्पना राऊत, रूपा भुजबळ, अर्चना पवार, कुलदीप पवार, सखाराम हरकळ, दगडू झेंडे आदि उपस्थित होते. लग्नातील डामडौल आणि सत्काराच्या कार्यक्रमांना फाटा देत वधूवराच्या पालकांमार्फत राबविण्यात आलेल्या या अनोख्या उपक्रमाचे सर्वांनी कौतुक केले.