गुनाट, ता. ६ : येथील हाफ पिच टेनिस बॉल क्रिकेट स्पर्धेचे विजेतेपद शिरूर येथील लायन्स संघाने पटकावले. तर, महागणपती इलेव्हन (रांजणगाव गणपती) व रोकडेश्वर क्रिकेट क्लब (कोकडेवाडी) यांनी अनुक्रमे दुसरे व तिसरे बक्षीस पटकावले, अशी माहिती आयोजक नवनाथ धुमाळ यांनी दिली.
सरपंच गणेश कोळपे यांच्या पुढाकारातून झालेल्या या स्पर्धेत १ लाख ३५ हजारांपर्यंत बक्षीस होती. नावाजलेल्या २० संघांनी या स्पर्धेत सहभाग नोंदवला होता. जिल्हा परिषद सदस्य राजेंद्र जगदाळे यांच्या हस्ते या स्पर्धेचे उद्‍घाटन झाले. कृषी समितीचे संचालक सतीश कोळपे यांच्या उपस्थितीत समारोप झाला. नवनाथ धुमाळ, गोरक्ष धुमाळ, पांडुरंग गव्हाणे, संदेश करपे, रामदास काकडे, सचिन कोळपे आदींनी स्पर्धेचे नियोजन केले.
PNE22S33305